نفسى أشوفك عن قريب **
انت ياأغلى حبيب
حكم القدر والنصيب ***
جرحى على ايديك يطيب
ياحبيبى امتى ترجع ***
العنين عماله تدمع
والاهات ف القب توجع***
شىء طبيع
ليه بنخون العيش والملح****ليه بنطفى شموع الفرح
ليه حياتنا خداع ف خداع****بعد ماكانت حنين وليه ..
ليه حياتنا خداع وكدب****ليه القسوه ملت القلب
ليه دايمآ بنخون بعض ****صعب نلاقى الحب صعب
ليه حياتنا مابقيتش فرح ****بكى وأنين وعذاب وجرحامان
بعد الحب تنتهى بوداع***ضاع الطيب الانسان
ليه….ليه…..ليه**************************
احلف بالله
احلف بالله انى بحبك****ولاغيرك خطف قلبى
ومهماأقولك واعيدلك****مقدرش أوصفلك حبى
ها قول لدنيا كلها****دى حبيبتى وانا بحبها
مقدرش أبعد عنها****مقدرش أدارى وأخبى
انا حبى ليكى مايتقدر ****فى كل لحظه بيكبر
ومهما أقولك وأعبر ****مقدرش أوصفلك حبى
**************************
بتفكر فمين....
بتفكرف مين قوللى****بتفكر ف مين
وايه شغلك عنى****ومخليك حزين
تعالى واقرب منى ****واشرب م الحنين
أفرح بقى واغنى ****يا مدوخ العاشقين
الله على جمالك****وسحرك ودلالك
مين ذيك انت مين****فى عيونك الحلوين
*******************الناس اتغيرت
الناس اتغيرت ****مابقتش فيه رحمة
قلوبها اتحجرت ****وتاهوا في الزحمة
ولا عدش صاحب ولا حبيب ****فين اللي كان ليا طبيب
دنيا الطيب فيها غريب ****الرحمة يارب الرحمة
الدنيا هي الدنيا ****واحنا اللي كرهنا بعض
العيب فيك وفيا ****وياريت نحب بعض
ايامنا تبقى فرح****ونداوي كل جرح
ولو ناكلها بملح ****أحلى لنا م اللحمة
**********************ياواد يامدلع
ياواد يامدلع بكفياك دلع
اناقلبى هايولع أرحمنى ياجدع
سايق دلالك ليه هو انت جنسك ايه
بقى عشان بحبك بتسوق لى ف الدلع
مش راضى تعبرنى بكلمه أونظره
كان نفسى تفهمنى من اول مره
ياواد كفايه حرام سهران ان مابنام
تعبت م الكلام قلبى منك ولع
***********************
عمال يبكى
عمال يبكى ويتألم****وفاكرنى هاحن وسلم
قلبى اللى جرحه مره****أكيد من جرحه اتعلم
مش ممكن ارجع تانى****لقلب خاين وأنانى
عمره ماضحى عشانى****وجرحه فى قلبى معلم
;كل شويه بحايلنى*****ويقول لى تعالى جمبى
مابلاش تبعد عنى****فى بعدك انا بتألم
عمال ينادى عليا****ويقول لى ردعليا
مابلاش القسوه ديا****ياحبيبى انا ليك بسلم
****************************
ماتبكيش ياعينى
ماتبكيش ياعينى*****ع اللى باعنى وخان
ع اللى كان حبيبى****وهجرنى من زمان
خساره فيه البكى****لأنه مش انسان
ياما قلبى منه اشتكى****وداب م الاحزان
مش ممكن ابدآ****ده يكون حبيبى
ولايمكن ابدآ****يبقى فى يوم نصيبى
خاين حبيبى خاين****والخيانه فى دمه
مع انه مش باين****بيجرح ولاهمه
************************
ايه اللى بينى وبينك
ايه اللى بينى وبينك****خلانى افكر فيك
قلبى ماحبش غيرك****وبدوب فى رمش عينيك
غالى حبيبى غالى****ياللى شغلت بالى
معاك تحلى اليالى****وماتحلى الابيك
بصراحه بحبك موت ****معاك بكون مبسوط
مش عايز لحظه تفوت ****من غير مااشوف عينيك
********************************
اتعودت عليك...
اتعودت عليك ياحبيبى****اتعودت عليك
انت لما تغيب عن عيني****ف الاحلام بلاقيك
اتعودت أكون وياك ****كل لحظه أعيشها معاك
وانا علشان دايب فى واك****كل حياتى ملك ايديك
اتعودت أشوفك علطول****ياللى قلبى بيك مشغول
بعدك عنى مش معقول****علشان انا بتونس بيك
اتعودت انك تسامح ****ياللى حبك فى قلبى جارح
بقولهالك بشكل واضح****اتعودت عليك
******************************ى ومش غريب
ياحبيبى حس بيا***
قرب م القلب شويه
الحياه والدنيا ديا***انت يااغلى حبيب
***************************
أجمل قمر
لو كنت هاعشق قمر**
ما اعشق قمرغيرك
ياحبيبى ياجمل قمر ***
النور على جبينك
حبك علمنى السهر***
با سهر أغنيلك
حبيبى جمعنا القدر***
ربط بينى وبينك
ياحبيبى ما أحلاك***
مغرم انا بهواك
نفسى اعيش وياك***
ومن عمرى انا أديلك
ياحبيبى انا حبيت***
غيرك انا ماهويت
وعمرى ماأتمنيت***
أبقى انا لغيرك
ياحبيبى دايب دوب***
فى هواك انا مغلوب
ياللى دوبت قلوب***
عن حبك ماأتوب
قدر ومكتوب***
ف العين اناأشيلك
*************************
وفرى كل الدموع
وفرى كل الدموع***مبقاش فيه رجوع
قلبى انجرح فى عز الفرح***وبايديك طفيتى الشموع
مهما تبكى ع اللى كان***مش ها يرجع الحنان
حبى ضاع من زمان****وفرى كل الدموع
متطلبيش منى السماح****مش ها سمحك ع اللى راح
عذ بتى قلبى بالجراح***وف فرحى طفيتى الشموع
ياحبيتى كفايه كدب****اللى بينا ما كانش حب
استحاله نرجع لبعض****وفرى كل الدموع
*****************************
أنا مش لعبة
أنا مش لعبة ف ايديكى
عمالة تلعبي بيا
اكمني قلبي شاريكي
بتشتري وتبيعي فيا
مرة تقولي لي بحبك
ومرة تبكي عينيا
لو أنا غالي عندك
خفي م التقل شويا
فاكرة نفسك ايه
زيك زي البشر
فوقي م اللي انت فيه
لقلبك ينكسر
ساعتها هاتخدي ايه
غير العذاب والسهر
حتبقى دي النهايه
وبكده قلبي انتصر
****************************
آسف
آسف لو كنت جرحتك
وبايدي قسيت على قلبك
أرجوك بقى سامحيني
ماقدرش اتحمل بعدك
آسف... آسف لأني
جرحتك غصب عني
ياحته جوه مني
بنام واصحى بحبك
الفرحة والأمان
والحب والحنان
ماشفتهومش زمان
الا وانا في حضنك
آسف لوكنت جرحتك
***************************
ما كنتش بعتني
لو كنت صحيح حبيبتك
ماكنتش بعتني
أنا على روحي آمنتك
وانت خنتني
بقى عشان عشقتك
تبيع وتشتري
صدقني خلاص كرهتك
ياللي انت جرحتني
ابعد بقى يا أناني
مش عايزه أشوفك تاني
ابعد خلاص انساني
ما تقولش بتحبني
عمري ما كنت أتصور
بسرعة كده تتغير
وعليا أنا تتكبر
بدل ماتحن لي
مافيش وفا واخلاص
ولا حب ولا احساس
حتى مع أعز الناس
بتبيع وتشتري
ليست هناك تعليقات:
إرسال تعليق